Hawa ka jhonka

Ghangor hawa ka jhonka hai
Suno dil ne kya kya socha hai
Woh hasi bahut yaad aati hai
Awaaz ka jaadu aaj bhi hai
Mazaak tumhara lajawaab
Aur nakhre bahut hee bhaate hein
Woh madham madham gungunana
Aur holay holay muskurana
Hum aaj bhi aankhen band karein
To chehra wahi dikh jata hai
Iss dil mein pyaar jagaata hai
Khushi mein kitna rulata hai
Jab miloge tumko batana hai
Sara dil ka haal sunana hai
Thoda khud muskurana hai
Thoda tumko bhi hasana hai